“ᐅᓪᓗᒥ ᐅᓇ ᑲᓇᑕᐅᑉ ᐅᓪᓗᐊ ᓱᓕᓂᕐᒧᑦ ᐊᒻᒪᓗ ᓴᐃᒪᖃᑎᒌᖕᓂᕐᒧᑦ ᐊᒻᒪᓗ ᐊᐅᐸᔮᖅᑐᒥᒃ ᐅᕕᓂᕈᖅᓯᒪᓐᓇᐅᔪᖅ, ᐊᑏ ᓂᕐᓱᕐᓚᕗᑦᐃᓕᓐᓂᐊᕆᐊᖅᑎᑕᐅᓂᑯᑦ ᑲᓇᑕᒥ ᐃᓕᓐᓂᐊᕐᕕᖏᓐᓂᑦ, ᐃᖃᐅᒪᓗᑕ ᓄᑕᖃᓂᒃ ᐅᑯᐊ ᐊᖏᕐᕋᓚᐅᓐᖏᑦᑐᑦ, ᐊᒻᒪᓗ ᓇᖏᖃᑎᒋᔭᕗᑦ ᐃᓚᖏ ᐊᒻᒪᓗ ᓄᓇᖏᑦ ᑭᒃᓵᒃᐳᒍᑦ ᐊᓯᐅᔨᓯᒪᒐᑦᑎᒍᑦ.

ᐅᖓᑖᓂ ᕼᐊᓐᓇᓚ ᐊᕐᕌᒍᓂ, ᐅᖓᑖᓂ 150,000 ᐊᓪᓚᐃᑦ, ᐃᓄᐃᑦ, ᐊᒻᒪᓗ ᐊᓪᓚᐃᖓᔪᑦ ᓄᑕᖃᑦ ᐊᕕᒃᑎᑕᐅᓯᒪᕗᑦ ᖃᑕᖑᑎᖏᓐᓂᑦ, ᐃᓚᖏᓐᓂᑦ, ᐊᒻᒪᓗ ᓄᓇᖏᓐᓂᑦ ᐊᒻᒪᓗ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᓪᓗᑎᒃ. ᐅᓇ ᐃᓕᓐᓂᐊᖅᑎᑦᑎᓚᐅᕐᓂᖅ ᓴᓇᔭᐅᓯᒪᓚᐅᖅᑐᖅ ᐃᓅᓯᖏᓐᓂᒃ ᐃᓕᖁᓰᖅᓯᓗᑎᒃ ᐊᑐᐊᒐᖃᖅᖢᑎᒃ ᓴᓇᓯᒪᔪᖅ ᐊᓯᐅᑎᓪᓗᒋᑦ ᓄᑕᖃᑦ ᐅᖃᐅᓯᖏᑦ, ᐱᐅᓯᖏᑦ, ᑭᓇᐅᓂᖏᑦ, ᐊᒻᒪᓗ ᐃᓅᓯᖏᑦ.

ᐅᑯᐊ ᒐᕙᒪᑐᖃᒃᑯᑦ ᓴᕿᑦᑎᓯᒪᔪᑦ ᐊᒻᒪᓗ ᐱᓕᕆᔾᔪᑎᖃᑦᑎᐊᓕᖅᑐᑦ ᑕᒪᑐᒧᖓ, ᐊᒻᒪᓗ ᑲᓇᑕ ᐱᔭᒃᓴᖃᖅᐳᖅ ᐊᖏᔪᒥᒃ ᐊᒻᒪᓗ ᐊᑯᓂ ᐋᓐᓂᖅᓯᓯᒪᓂᖓᓄᑦ.

ᐅᖓᑖᓂ 6,600 ᐃᓕᓐᓂᐊᕆᐊᖅᑎᑕᐅᓂᑯᑦ ᐆᒪᕗᑦ ᐊᒻᒪᓗ ᑕᑯᓯᒪᔪᑦ ᐅᖃᓪᓚᓚᐅᖅᑐᑦ ᓵᖓᓂ ᑭᒡᓕᓯᓐᓂᐊᖅᑎᒃᑯᑦ ᑲᒥᓴᓐ ᑐᓴᖅᑎᑦᑎᓪᓗᑎᒃ ᐋᓐᓂᖅᓯᒪᓂᕐᒥᖕᓂᒃ ᑕᐃᒪᐃᑎᑕᐅᓪᓗᑎᒃ ᑲᓇᑕᒥ ᐊᑯᓂᐅᓗᐊᖅᑐᖅ ᑕᒪᓐᓇ ᐃᒡᓯᓇᑰᖕᒪᑦ. ᑕᐃᒪᓐᓇ ᑲᑉᐱᐊᓱᒃᑕᐃᓕᓪᓗᑎᒃ ᑲᓇᑕ ᑐᓵᒐᓗᐊᕐᒪᖔᑦ, ᐃᖃᐅᒪᖕᒪᖔᑦ, ᐊᒻᒪᓗ ᓴᕿᑎᑦᑎᖕᒥᓗᑎᒃ.

ᑐᓂᔭᕆᐊᖃᖅᐸᕗᑦ ᐃᖃᐅᒪᔭᐅᔪᑦ ᐅᖓᑖᓂᑦ. ᑐᓂᔭᕆᐊᖃᖅᐸᕗᑦ ᐱᓕᕆᓗᑕ. ᐅᑯᐊ ᑭᒡᓕᓯᓐᓂᐊᖅᑎᑦ ᑲᒥᓴᒃᑯᑦ ᐱᓕᕆᐊᕆᖁᔭᖏᑦ 94 ᓱᓕ ᐊᖁᑎᒋᔭᐅᓂᐊᖅᑐᖅ ᓴᓇᔭᒃᓴᓄᑦ.

ᐱᓇᓱᐊᖃᑎᒋᓪᓗᒋᑦ ᐊᓪᓚᐃᑦ, ᐃᓄᐃᑦ, ᐊᒻᒪᓗ ᐊᓪᓚᐃᖓᔪᑦ, ᒐᕙᒪᕗᑦ ᓴᓇᔪᖅ ᐊᑯᓂ ᐃᖅᐸᖅᓯᒪᔪᒥᒃ ᐋᓐᓂᐊᕕᒃᑎᒍᑦ ᐊᒻᒪᓗ ᐃᓕᓐᓂᐊᕐᕕᒃᑎᒍᑦ, ᓴᐳᒻᒥᓗᒋᑦ ᓄᓇᖅᑲᖅᑳᖅᓯᒪᔪᑦ ᐅᖃᐅᓯᖏᑦ ᐊᒻᒪᓗ ᐱᐅᓯᖏᑦ, ᐊᒻᒪᓗ ᐱᕚᓪᓕᖅᑎᓪᓗᒋᑦ ᐃᒥᕐᒥᒃ ᐊᒻᒪᓗ ᐃᒡᓗᒃᓴᓂᒃ ᐊᓪᓚᐃᑦ ᓄᓇᖏᓐᓂ.

ᐱᕚᓪᓕᖅᑎᑦᑎᓂᐊᕋᑦᑕ ᐃᖅᑲᖅᑐᖅᑕᐅᖁᓯᒪᔭᖏᓐᓂᒃ ᐊᓯᐅᖃᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖅᑲᖅᑳᖅᓯᒪᔪᑦ ᐊᕐᓇᐃᑦ, ᓂᕕᐊᖅᓵᑦ, ᐊᒻᒪᓗ 2SLGBTQI+ ᐃᓄᐃᑦ, ᐊᒻᒪᓗ ᐊᑐᓕᖁᔭᐅᔪᑦ ᔪᓇᐃᑎᑦ ᓇᐃᓴᓐᔅ ᓱᓕᓂᕋᐅᑎᖓ ᐱᔪᓐᓇᐅᑎᖃᕐᓂᖏᓐᓄᑦ ᓄᓇᖅᑲᖅᑳᖅᓯᒪᔪᑦ ᐱᖁᔭᕐᔪᐊᖅ.

ᐅᓪᓗᒥ, ᑲᓇᑕᒥᐅᑦ ᐊᑐᕐᓂᐊᖅᑐᑦ ᐊᐅᐸᔮᖅᑐᒥᒃ ᐅᕕᓂᕈᕐᒥᒃ ᐊᒻᒪᓗ ᐃᓚᐅᓗᑎᒃ ᐃᖃᐅᒪᔾᔪᑕᐅᑎᓪᓗᒋᑦ ᓄᑕᖃᑦ ᐅᑯᐊ ᐊᖏᕐᕋᓚᐅᓐᖏᑦᑐᑦ – ᐊᒻᒪᓗ ᐃᒃᐱᒋᑦᑎᐊᕐᓗᒋᑦ ᐃᓕᓐᓂᐊᕆᐊᖅᑎᑕᐅᑯᑦ ᐅᑯᐊ ᐅᖃᖅᓯᒪᔪᑦ ᓱᓕᔪᓂᒃ ᑕᐃᒪᓗ ᑕᒪᕐᒥᒃ ᑲᓇᑕᒥᐅᑦ ᐋᕿᒃᓱᐃᕙᓪᓕᐊᓂᐊᕐᒪᑕ ᓴᐃᒪᖃᑎᒌᖕᓂᕐᒧᑦ.”

ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᑕᒪᑐᒥᖓ: ᐅᓇ 24-ᐃᑲᕐᕋᓄᑦ ᐊᑦᑕᕐᓇᖅᑐᖃᓐᖏᑦᑐᖅ ᐊᒻᒪᓗ ᐊᓯᖏᓐᓂᑦ ᑐᓴᖅᑕᐅᔮᓐᖏᑦᑐᑦ ᑲᓇᑕ ᐃᓕᓐᓂᐊᕆᐊᖅᑎᑕᐅᓂᑯᓄᑦ ᐅᓗᕆᐊᓇᖅᑐᒦᑦᑐᓄᑦ ᐅᖃᓘᑖ, ᐊᑐᐃᓐᓇᐅᔪᖅ 1-866-925-4419, ᑐᓂᓯᓯᒪᔪᖅ ᐊᒃᓱᕈᓐᓇᖅᑐᒦᑦᑐᓄᑦ ᐱᔨᑦᑎᕋᐅᑎᓂᒃ ᐃᓕᓐᓂᐊᕆᐊᖅᑎᑕᐅᓂᑯᓄᑦ ᐊᒻᒪᓗ ᓇᓗᓇᐃᑦᑎᐊᕐᓗᒋᑦ ᖃᓄᖅ ᐱᔪᓐᓇᕐᒪᖔᖅᐱᑦ ᐊᓯᖏᓐᓂᒃ ᐋᓐᓂᐊᕕᖕᒥ ᐃᑲᔫᑎᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ. ᐅᓇ ᓂᕆᐅᖕᓂᖅ ᖃᓄᐃᖏᑦᑎᐊᕐᓂᕐᒧᑦ ᐅᖃᓘᑖ ᐃᕐᖐᓐᓇᖅ ᐃᑲᔪᕈᓐᓇᖅᑐᖅ, ᐊᑭᖃᓐᖏᑦᑐᖅ ᐅᖃᓘᑎ ᐊᒻᒪᓗ ᐃᑭᐊᕿᕕᒃᑯᑦ ᐅᖃᓪᓚᖃᑎᖃᕈᓐᓇᖅᑐᑎᑦ ᐊᑲᐅᓐᖏᓗᐊᓕᕈᕕᑦ ᐊᒻᒪᓗ ᐊᒃᓱᕈᓐᓇᖅᑐᒦᓪᓗᑎᑦ ᑐᕌᖅᑐᖅ ᑖᓐᓇ ᑕᒪᐃᓐᓄᑦ ᓄᓇᖅᑲᖅᑳᖅᓯᒪᔪᓄᑦ ᑲᓇᑕᒥ. ᑕᒪᕐᒥᒃ ᐅᖃᓘᑎᑦ ᐊᒻᒪᓗ ᐃᑭᐊᕿᕕᒃᑯᑦ ᐱᔨᑦᑎᕋᖅᑐᑦ ᐊᑐᐃᓐᓇᐅᓪᓗᑎᒃ 24/7 ᖃᓪᓗᓈᑎᑐᑦ ᐊᒻᒪᓗ ᐅᐃᕖᖅᑎᑐᑦ. ᐅᖃᓗᒃᑐᓂᒃ ᐃᑲᔪᕈᓐᓇᖅᑐᑦ ᐊᑐᐃᓐᓇᐅᓪᓗᑎᒃ ᑐᑭᓯᕋᖅᑕᐅᓗᑎᒃ ᑯᓕᐄ, ᐅᔾᔨᕕᐄ, ᐊᒻᒪᓗ ᐃᓄᒃᑎᑐᑦ. ᐱᔭᕆᐅᖅᓯᒪᑦᑎᐊᖅᑐᑦ ᐃᓄᓕᕆᔨᑦ ᐊᑐᐃᓐᓇᐅᔪᑦ 1-855-242-3310 ᐅᕝᕙᓘᓐᓃᑦ ᐅᕘᓇ hopeforwellness.ca.