“Ume tapueun mak minu-tapishimitishun kie kaishkuteusht kukushakup, tshissinuashteuanan anitshenat ka shaputueshkakau, anitshenat ka nenekatshinitau, ka nenekatenimianitau ka kamitshitutaunit, nitshissinishtauanan anitshenat auassat eka nita ka tshiuetau kie nitshissituanan uikanishimauat kie innu-assia.

Tshekat peikumitashumitannuepipun, 150 000 essimeu-auassat, innu-auassat kie mashinuat utinakanipan nete tetshe uikanishuauat, eku itashauanit anite innu-auassat ka kunenimanit Ne ka ishi pimutanut ui mishkutinanipan, ne ui utataikanipan tshetshi eka innu-aimitau, tshetshi eka ishi inniutau utiniunnuau.

Utaua-tshishe-utshimau tshimitapam kie shutshiteieshkamupan, kie Canada utinam nenu ka ishi katshitauet kie ka ishi tshitimiuet.

Anu 6 600 ka itutetau anite innu-auasse mamishitshmuipan kie aimipan anite CRV mamuitun tshetshi uitakan ute tan miam ka ishpan ute Canada eka ka ui uapatan. E tapuetatshishut, ne Canada tshi uapatamupan tshekuanu ka ishpen, e tshissinuashtakanit anitshenat kie ka tshi minu-mamitunenitakan.

Apu mukᵘ tshiamᵘ takuninit tshetshi tshissinuashtakanit. Takut tshi tutakan atusseun. Ne 94 ka uitakanikau anite CVR ka uauitakanikau takun mashinaikan tshetshi nashakan.

E uitshi atussemakanitau Innuat, Essimeuat kie mashinuat, tshishe-utshimau ui itshetishinam nenu pepeshek ka tutuanit innuat anu ma minat anite minu-inniuan, katshishkutamatsheutshuap, tshetshi akua tutakanikau innu-aimuna kie innu-aitun, tshetshi unipimitau kie tshetshi minukaputau mitshuapa anite innit.

Ninikanishtanan tshetshi kaimitunanut anite ishkueuat, ishkuessit mak anitshenat 2ELGBTQI+ka uniakanitau mak ka nipiakanitau, kie ninashenan ne kamamuitut tshishe-utshimau mashinaikan (United Nations Declaration on the Rights of Indigenous Peoples Act).

Anutshish, ute kakusseshit kie kakusseshishkueuat ute Canada tshika pushtashkamuat ka ishkuteushinit kukushakapunu kie tshika ituteuat anite e tshissinuashtakanit anitshenat innu-auassat eka nita ka tshiuetau uitshuauat kie tshetshi ishpitenimakanit anitshenat kuishkᵘ ka imitau, tshetshi kassinu kakusseshit kie kakusseshishkueuat tshetshi pushipanitau anite minu-tapishinun.”

Etatu ui minu-natussenitamekᵘ: Takun ka imitunanut tshetshi natutuninit anitshenat ka itutetau anite innu auasse ka kunenimanit, nishunue-tatupiakiana ashu neu, eka tshetshi shetishiekᵘ kie appu uen tshikut tshissenitakᵘ 1-866-925-4419, pitshitinamᵘ uauitshiushinu nenu ka ituteninit anite innu-auasse kakunenimanit kie uikanishinu tshetshi uauitamkunau mitshetui e tshi uauitshikuiekᵘ. Ne ka aimitunanut tshetshi natutakuiek tshetshi minu-inniuiek pitshitiman uitshiaushinu ishinakuet tshetshi uanenitakan anite kaimitunanut, eka e tshishikashiekᵘ, kie mak anite katusseutshitapatakan kie kassinu innu. Pitshitinikinau 24 tatupaikanna kie nishtuasht tatutshishikua tshetshi aiminau kie akanishau-aiminanun, e natuenitamek, Eeyou, ojibway kie Inuktitut Teuat kupanieshat e ishi pukutatau ne e ishiniuiekᵘ kie tshetshi imiauauat 1-855-242-3310 kie mak katusseutshitapatakan hopeforwellness.ca.